Qostanaıda «Aqyldy sút fermasy» jobasy engizildi
QOSTANAI. QazAqparat - Agroónerkásip keshenin damytý baǵdarlamasy boıynsha Qostanaı oblysynda «Aqyldy sút fermasy» jobasy engizildi, dep habarlaıdy QazAqparat.
«Aqyldy sút fermasy» jobasyn Qostanaıda engizý úshin Avstrııa elinen sarapshy mamandar arnaıy shaqyryldy. Olardyń Tobyl óńirine kelgendegi maqsattary - «Sadchıkov» JShS-in Smaxtec baǵdarlamalyq-apparattyq júıesine qosý. Sondaı-aq, mamandar atalmysh sút-taýarly fermanyń qyzmetkerlerine jańa qurylǵyny qoldaný joldaryn úıretpek. Avstrııadan kelgen óz isteriniń bilgirleri - Frants Tsehner men Elvıdın Dızdarevıch bul jobanyń ozyq elderdiń tájirıbesi ekenin aıtady.
«Bul - Qostanaı oblysy ǵana emes, tutas Qazaqstan úshin alǵashqy joba ekenin bilemiz. Sondyqtan biz shaqyrtý alysymen Qostanaı jáne Aqmola oblystaryndaǵy sút fermalarynyń ókilderimen tájirıbe almasýǵa kelisimimizdi berdik. Aýyl sharýashylyǵy damyǵan álem elderi qoldanysqa engizgen zamanaýı qurylǵy jumystyń ónimdiligin, ónimniń sapasyn baqylaýda ustaýǵa múmkindik beredi», - deıdi avstrııalyq magıstr F.Tsehner.
Sarapshynyń túsindirýinshe, bul tehnologııanyń artyqshylyǵy mynada: «bolıýs» atty arnaıy qurylǵy sıyrlardyń aýyz qýysy arqyly qarnyna jiberilip, sol arqyly janýardyń jalpy jaǵdaıyn, negizgi fızıologııalyq parametrlerin tolyqtaı baqylap otyrýǵa bolady. Ár bes mınýt saıyn temperatýra qadaǵalaýda bolady. Bul janýardyń aýrý-syrqaýynyń aldyn alýǵa arnalǵan tyń tásil. Sondaı-aq, qurylǵy qozǵalys belsendiligi týraly aqparat berip otyrady. Ol arqyly sıyrdyń uryqtandyrýǵa ázirligin anyqtaýǵa bolady ári súttiligi úshin qandaı kólemde qunarly azyq berýi kerektigin esepteýge yńǵaı týdyrady. Álem boıynsha ázirge teńdesi joq osynaý «bolıýs» qurylǵysy, shamamen, sıyrdyń ishki qurylysynda bes jylǵa deıin saqtalady.
Sonymen, óńirdi sút ónimderimen qamsyzdandyryp otyrǵan fermalardyń biregeıi - «Sadchıkov» seriktestigi el boıynsha bul tyń tehnologııany eń alǵashqy bolyp qoldanysqa engizgeli otyr. Ferma qyzmetkerleriniń buǵan deıin Avstrııada oqyp kelgenin aıta ketken jón. ıAǵnı jańa joba boıynsha jumys isteýge ázir. Al eýropalyq sarapshylarmen ymyralasqan «AgrıKAS» JShS dıretory I.Sýlımenkonyń aıtýynsha, bul ázirge pılottyq joba túrinde qoldanysta bolady.
«Biz búginnen bastap 32 bas sıyrǵa synaq júrgizemiz. Bizdiń kompanııa Avstrııalyq Smaxtec kompanııasymen birigip, muny tegin iske asyrady. Júıe 3 aı boıy testileýden ótedi, - deıdi ol.
«Osy ýaqyt ishinde munyń ekonomıkalyq tıimdigi qadaǵalanady. Sodan keıin ǵana kásiporyn sony tehnologııamen jumys isteýdiń qajetti-qajetsizdigi týraly sheshim qabyldamaq. Eger bári oıdaǵydaı bolsa, bolıýs fermadaǵy barlyq 740 sıyrǵa qoldanylatyn bolady», - dedi seriktestik basshysy.
Jobany engizý jumystary aıasynda «Aqyldy sút fermasy - álemdik tájirıbe» atty dóńgelek ústel ótip, tyń joba týraly aqparat qostanaılyq fermashylarǵa búge-shigesine deıin túsindirildi.
Aıta keteıik, bıyl Qostanaı oblysynda aýyl sharýashylyǵyndaǵy sandyq tehnologııalardy pılottyq negizde 20 kásiporynǵa engizý josparlanǵan.
