Qostanaıda Ahmet Baıtursynulynyń 150 jyldyǵyna oraı ǵylymı ekspedıtsııa bastalady

QOSTANAI. QazAqparat – Ahmet Baıtursynulynyń 150 jyldyǵyna oraı uıymdastyrylǵan ekspedıtsııa Qostanaıda bastalady, odan keıin qatysýshylar Qarqaraly, Semeı, Qarabutaq, Áýlıekól jáne Torǵaıǵa attanady. Reseıdiń birqatar qalalarynda, sondaı-aq Bakýde derekter jınaý jalǵasady. Ekspedıtsııa qorytyndysy boıynsha derekti fılm túsirý josparlanýda, dep habarlaıdy QazAqparat tilshisi.

«Aqań júrip ótken jolmen...» atty ǵylymı-tanymdyq ekspedıtsııa Ahmet Baıtursynulynyń týǵanyna 150 jyl tolýyna oraı uıymdastyrylyp otyr. Ekspedıtsııaǵa qatysýshylar 5 maýsymnan bastap birinshi baǵyt boıynsha jolǵa shyǵady: Qostanaı - Qarqaraly - Semeı - Qarabutaq – Áýlıekól - Torǵaı.

«Árbir pýnktte memlekettik muraǵattar, murajaılar, sondaı-aq A.Baıtursynov oqyǵan, jumys istegen mektepter, redaktsııalar men túrmelerge barady. 13 maýsymnan keıin Qostanaı - Orynbor - Máskeý - Arhangelsk - Baký – Chelıabınsk shetel baǵytymen saparlaý josparlanǵan», - dedi ekspedıtsııa múshesi, ólketanýshy, tarıhshy, ahmettanýshy Ibragım Aǵytaı óńirlik kommýnıkatsııalar qyzmetiniń brıfıngisinde.

Joba qorytyndysy boıynsha Ahmet Baıtursynulynyń ómiri týraly jańa derekter jınaý, sondaı-aq muraǵattar, murajaılar qoryn anyqtalǵan qujattarmen tolyqtyrý, sondaı-aq ekspedıtsııa nátıjeleri týraly derekti fılm shyǵarý josparlanýda.