Qostanaıda Ahmet Baıtursynovtyń 140 jyldyǵyna arnalǵan shyǵarmashylyq kesh ótedi

ASTANA. 28 qańtar. QazAqparat - 29 qańtarda Qostanaıda L.N.Tolstoı atyndaǵy kitaphanada qazaq rýhanııatynyń kósemi, ádebıetshi, jazýshy, qoǵam qaıratkeri Ahmet Baıtursynovtyń 140 jyldyǵyna arnalǵan shyǵarmashylyq kesh ótedi. Bul týraly QR Prezıdenti janyndaǵy Kommýnıkatsııalyq qyzmet ortalyǵy habarlady.

Sharaǵa «Otan» tarıhy kafedrasynyń aǵa oqytýshylary Aqmaral Eralına, Baýyrjan Nurseıitov, tanymal jazýshy Ǵalıhan Máýletov, ahmettanýshy Ibragım Aǵytaev jáne basqalar qatysady.

Kesh barysynda A.Baıtursynovtyń ómiri men qyzmeti týraly derekti fılm kórsetiledi. Jáne kitaphana foıesinde A.Baıtursynovtyń ómiri men shyǵarmashylyǵyna arnalǵan kórme uıymdastyrylady.

Sharaǵa joǵary oqý oryndarynyń stýdentteri men mektep oqýshylary shaqyrylyp otyr.