Qostanaıda agrotehnologııalyq hab qurylmaq
QOSTANAI. QazAqparat - Qostanaı oblysynda agrotehnologııakalyq hab qurylmaq, dep habarlaıdy «QazAqparat» HAA tilshisi.
Qostanaı oblysy aýyl sharýashylyǵyn tsıfrlandyrý boıynsha pılottyq óńir retinde belgilendi. Bul týraly turǵyndarmen kezdesý jıynynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaıymova málim etti.
«Búginde aımaqta jańa formattaǵy aýylsharýashylyq salasyndaǵy mamandardy daıyndaıtyn agrotehnologııakalyq hab qurý jóninde jumystar júrgizilýde. Hab memlekettik qurylymdar, ǵalymdar men agrarlyq qyzmetkerler arasyndaǵy yntymaqtastyqtyń alańy bolmaq. Keıinirek bul tájirıbe respýblıkalyq dańgeıda qoldanylatyn bolady», -dedi Aıgúl Shaıymova.
Oblysta egistikterdiń elektrondy kartalaryn jáne «aqyldy sý búrký», «aqyldy mıneraldandyrý» júıelerin engizý josparlanýda. Sondaı-aq, mal sharýashylyǵy salasyna da jańashyldyqtar paıdalanylmaq. Máselen, jaıylymdaǵy maldyń ornalasqan jerin qadaǵalaý, alqaptardyń tozýyn monıtorıngileý, shóp sapasyn baǵalaý, sút óńdeý qurylǵylaryn baqylaý - endi osylardyń barlyǵy arnaıy apparattardyń, drondardyń kómegimen júrgiziledi.
