Qostanaıda agroónerkásipke bólingen 500 mln teńgeden astam sýbsıdııany bir top adam jymqyrǵan

QOSTANAI. QazAqparat – Qostanaıda bir top jeke tulǵa agroónerkásiptik keshendi damytýdyń 2021-2025 jyldarǵa arnalǵan ulttyq jobasy boıynsha sýbsıdııa retinde bólingen 500 mln teńgeden astam qarjyny jymqyrdy degen kúdikke ilindi, dep habarlaıdy QazAqparat Qarjylyq monıtorıng agenttigine silteme jasap.

2022 jyldan búginge deıin áreket etip kelgen uıymdasqan qylmystyq toptyń áreketin QMA Qostanaı oblysy boıynsha departamentiniń qyzmetkerleri oblys prokýratýrasynyń úılestirýimen áshkereledi.

Qylmystyq shema boıynsha sharýa qojalyqtary shyn máninde joq ónimdi qaıta óńdeý zaýytyna jalǵan jetkizip, olar úshin sýbsıdııalar tólenip, uıymdasqan qylmystyq topqa qatysýshylar arasynda úlestirilgen.

Sot uıymdastyrýshy men onyń eki sybaılasyn 2 aıǵa qamaýǵa alý týraly sanktsııa berdi.

Sotqa deıingi tergeý jalǵasyp jatyr. QR QPK 201-babyna sáıkes ózge de málimetter jarııa etilýge jatpaıdy.