Qostanaıda aǵaıyndy urylar ustaldy
QOSTANAI. QazAqparat - Qostanaılyq tártip saqshylary bir aıda birneshe ret mal barymtalaǵan ákki urylardy qolǵa túsirdi, dep habarlaıdy QazAqparat tilshisi.
«Qostanaı aýdandyq ishki ister bólimi qyzmetkerleri óńirde 7 ret mal urlaǵan eki aǵaıyndyny ustady. Belgili bolǵandaı, mal urlyǵy naýryz aıynda jasalǵan. Qazirgi kezde qoldy bolǵan túlikterdiń jartysy zańdy ıelerine qaıtaryldy. Urylardyń et satýshylarmen baılanysy bolǵany anyqtaldy», - dedi oblystyq ІІD baspasóz qyzmetindegiler.
Aǵaıyndylar barymtalaǵan maldardy «Gazel» avtokóligimen tasyp otyrǵan. Іri qara maldardy baýyzdap, qostanaılyq mal satyp alýshylarǵa tapsyrǵan. Tártip saqshylary kúdiktiniń Naýryzym aýdanyndaǵy úıinen 11 qoı jáne 10 buzaýdy tapqan.
Osy fakt boıynsha QR QK 188 babymen («Urlyq») qylmystyq is qozǵaldy.
