Qostanaıda adamnyń kesilgen qoly tabyldy
QOSTANAI. QazAqparat - Qostanaıdaǵy jylý-energetıkalyq ortalyǵy kollektorynyń mańynan adamnyń dene músheleri tabyldy, dep habarlaıdy QazAqparat.
Aqparatty oblystyq ІІD baspasóz qyzmeti rastady. 4 qańtar kúni Bazovaıa kóshesindegi JEO kollektorynyń mańynan adamnyń kesilgen qoly tabylǵan.
«Polıtseıler atalǵan dene múshesi iz-túzsiz joǵalyp, keıinnen máıtteri bólshektengen kúıi tabylǵan qostanaılyq Aleksandr Samsonov pen Danıl Klenkoǵa tıesili bolýy múmkin degen boljam jasap otyr. Atalǵan fakti boıynsha QR QK 99-babynyń 2-bóligimen sotqa deıingi tergeý sharalary bastaldy», - dep habarlady ІІD baspasóz hatshysy Irına Bejenar agenttik tilshisine.
Eske salaıyq, 2017 jyldyń 14 qańtary kúni polıtseıler bul qylmystarǵa qatysy bar degen kúdikpen 26 jastaǵy turǵyndy ustaǵan bolatyn. Kúdikti Aleksandr Samsonov pen Danıla Klenkony óltirip, denelerin bólshektep tastaǵanyn moıyndady. Onyń ústine, sot otyrysy barysynda aıyptalýshy Polıanıchko úshinshi adamdy da óltirgenin aıtty. Ol jaýap alý kezinde ózi óltirgen adamdardyń basynan múıiz kórgenin aıtqan. Saraptama qorytyndysy boıynsha, Polıanıchko aqyl-esiniń kemistigine baılanysty qylmystyq jaýapkershilikten bosatyldy.
