Qostanaıda adam qaǵyp óltirgen júrgizýshi shartty merzimge sottaldy
QOSTANAI. QazAqparat - Qostanaıda adamdy qaǵyp ketken 29 jastaǵy kólik júrgizýshisine qatysty sot úkimi shyqty, dep habarlaıdy QazAqparat oblystyq sottyń baspasóz qyzmetine silteme jasap.
Іs derekterinde kórsetilgendeı, oqıǵa 2018 jylǵy 2 qarashada oblys ortalyǵyndaǵy Jaýynger Internatsıonalıster kóshesinde bolǵan. Qatty jyldamdyqpen kele jatqan «Leksýs» kóligi jaıaý júrginshiler jolaǵynan ótpek bolǵan áıeldi soǵyp ketken. Jábirlenýshi túrli dene jaraqatymen oblystyq aýrýhananyń jansaqtaý bólimine jetkizildi. Polıtsııa qyzmetkerleri jaıaý júrginshini qaqqan 29 jastaǵy qala turǵyny ekenin anyqtady.
«Qostanaı qalasynyń №2 sotynyń úkimimen «Lexus LX 570» júrgizýshisi QR QK 345-baby, 3-tarmaǵy boıynsha qylmystyq quqyq buzýshylyq jasaǵany úshin kináli dep tanyldy. Oǵan probatsııalyq baqylaý ornatýmen shartty túrde 2 jyl 6 aı merzimge bas bostandyǵynan aıyrý jazasy taǵaıyndaldy. Osy ýaqyt aralyǵynda ol kólik quraldaryn basqarý quqyǵynan shettetiledi», - delingen vedomstvonyń habarlamasynda.
