Qostanaıda 94 jastaǵy ardager kisi óltirgeni úshin sottaldy
QOSTANAI. QazAqparat - Búgin Qostanaı oblysynyń qylmystyq ister jónindegi mamandandyrylǵan aýdanaralyq soty UOS ardageri, 94 jastaǵy Ivan Sýrkovqa úkim kesti, dep habarlaıdy QazAqparat oblystyq sottyń baspasóz qyzmetine silteme jasap.
Sot úkimi boıynsha Ivan Sýrkov 7 jylǵa bas bostanydyǵynan aıryldy. Ol májbúrli túrde psıhıatrdan em qabyldaýy tıis. Aıyptalýshy bolsa, sot sheshimimen kelispeıdi.
Qaıǵyly oqıǵa 2018 jyly 21 tamyzda bolǵan. I.Sýrkov óziniń baldyzy, 80 jastaǵy Nıkolaı Davydovqa gantelmen jáne pyshaqpen soqqy jasaǵan. Jábirlenýshi sol jerde til tartpaı ketti.
Sotta aıtylǵandaı, qylmysker ardager soǵys jyldarynda úsh ret basynan zaqym alǵan. 2016 jyly onyń úıine qaraqshylyq shabýyl jasalǵan. Osy derekterdiń bári, sot málimetinshe, aıyptalýshynyń psıhıkasyna keri áserin tıgizgen.
