Qostanaıda 9-qabattan qulaǵan qyzǵa qatysty jańa derek shyqty
QOSTANAI. QazAqparat - Kópqabatty úıden sekirip ketken 15 jasar qyz sýıtsıdke barǵan, dep habarlaıdy QazAqparat oblystyq ІІD baspasóz qyzmetine silteme jasap.
«Qaladaǵy kópqabatty úılerdiń birinde 15 jasar qyz 9-qabattan sekirip óz-ózine qol jumsady. Qazirgi ýaqytta QR QK 105-baby (Ózine qol jumsaýǵa deıin jetkizý) boıynsha sotqa deıingi tergeý sharalary bastaldy», - dedi ІІD baspasóz hatshysy Irına Bejenar.
Eske salsaq, keshe qalalyq aýrýhana qyzmetkerleri 25 jastaǵy qyzdyń kópqabatty úıden qulap ketkenin habarlaǵan. Keıin qulaǵan qyz jasy 25-te emes, 15-te ekeni belgili boldy. Ol birden aýrýhanaǵa jetkizildi. Alaıda, dárigerler onyń ómirine arasha túse almady.
