Qostanaıda 87 jastaǵy enesin óz úıinen qýǵan kelin sot arqyly baspanadan shyǵaryldy
ASTANA. QazAqparat - Qostanaı qalasynyń turǵyny óziniń jeke baspanasynan kámelettik jasqa tolmaǵan eki balasy bar kelinin shyǵarý týraly shaǵymymen Qostanaı qalalyq sotyna júgingen.
Baspana 87 jastaǵy shaǵym ıesiniń atyna 2002 jyly tirkelgen jáne ol sol úıde turyp kelgen. Ózge baspanasy joq. Sot otyrysy barysynda kelini keıýanany úıge kirgizbeıtindigi, janjal shyǵaratyndyǵy jáne nemereleriniń onymen aralaspaıtyndyǵy anyqtaldy. Sondyqtan zeınetker qyzynyń páterin panalaýǵa májbúr bolǵan.
Uly men kelini osydan biraz ýaqyt buryn ajyrasyp, ol úıden ketip qalǵan. Al kelini bolsa balalarymen enesiniń úıinde qalǵanymen baspana aýyrtpalyǵyn kótermeıdi, kommýnaldyq qyzmet tólemderin tólemeıdi, úıde zańsyz turyp kelgen.
Kórsetilgen jaǵdaılardy eskerip, «Turǵyn úı qatynastary týraly» Zańnyń normalaryna silteme jasaı otyryp jáne shaǵym ıesiniń jasyn eskerip, sot zeınetkerdi baspananyń jeke ıesi dep tapty. Sonymen qatar, jaýapkerler tek úı ıesiniń kelisimimen baspanada ómir súre alady.
Іsti qaraý nátıjesinde sot jaýapkerdi balalarymen birge jylý berý merzimi bitken soń úıden shyǵarýǵa sheshim shyǵardy.
Sot sheshimi zańdy kúshine engen joq.
