Qostanaıda 86 jastaǵy qarııany óltirdi degen kúdikpen 17 jastaǵy jasóspirim ustaldy

Qart adamnyń zorlyq-zombylyq belgileri bar máıiti qaladaǵy úılerdiń biriniń aýlasynan tabylǵan.

Atalǵan derek boıynsha qylmystyq is qozǵaldy. Jedel-izdestirý sharalary barysynda polıtsııa qyzmetkerleri kúdiktiniń jeke basyn anyqtady.

– Kúdikti 17 jastaǵy jergilikti turǵyn bolyp shyqty. Ol 4 qarashada ustaldy. Kámeletke tolmaǵan jasóspirim ýaqytsha ustaý ızolıatoryna qamaldy. Qazirgi ýaqytta tergeý júrgizilip, oqıǵanyń barlyq mán-jaıy anyqtalyp jatyr, – delingen polıtsııa málimetinde.

Oqıǵaǵa qatysty tergeý amaldary jalǵasyp jatyr.

Aıta keteıik, buǵan deıin Qostanaı oblysynda 86 jastaǵy er adamnyń máıiti tabylǵany habarlanǵan bolatyn. Sol kezde polıtsııa kúdiktini izdestirip, ekinshi adamǵa shabýyl jasalǵany týraly taraǵan aqparatty joqqa shyǵarǵan edi.