Qostanaıda 84 jastaǵy zeınetkerdi tonap ketti
QOSTANAI. QazAqparat - Qostanaı oblysynyń Qusmuryn aýyldyq polıtsııa bóliminiń qyzmetkerleri jedel-izdestirý is-sharalary barysynda qylmyskerler tobyn quryqtady, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Tártip saqshylary 18 jáne 38 jastaǵy er adam men 28 jastaǵy áıeldi ustady. Kúdiktiler 21 qazan kúni tańǵy 04:00 shamasynda Qusmuryn aýylynda turatyn 84 jastaǵy zeınetkerdiń úıin tonap ketken. Keıin belgili bolǵandaı, bular ájeıdiń kózi nashar kóretinin aldyn ala bilgen. Degenmen, zeınetker olardyń daýysyn estip, kimder ekenin anyqtaǵan. Páterdiń esigin buzyp kirgen buzaqylar 137 myń teńge men azyq-túlikti qoldy qyldy.
Polıtsııanyń habarlaýynsha, is úsh kún merzimde qaralyp, odan keıin prokýratýraǵa jiberiledi. QR QK 191-baby boıynsha qylmystyq is qozǵaldy. Urlaǵan aqshanyń jartysy ıesine qaıtaryldy.
