Qostanaıda 84 jastaǵy qarııa muzǵa taıyp jyǵylyp, qaza tapty
QOSTANAI. QazAqparat - 84 jastaǵy qostanaılyq qarııa azyq-túlik dúkeni mańynda muzǵa taıyp qulap, qaza tapty. Bul aqparatty Qostanaı oblysy ІІD baspasóz qyzmeti rastady.
Oqıǵa oblys ortalyǵynyń 9-shy shaǵyn aýdanynda «Azııa» dúkeniniń janynda bolǵan. Ardager azyq-túlik almaqshy bolyp shyqqan, alaıda kóktaıǵaq onyń aýyr jaraqat alyp, qaza tabýyna sebepker boldy.
Polıtsııa sot aldy tergeý júrgizýde.
Qostanaıda kóktaıǵaq saldarynan sońǵy kúnderi 500-den astam adam zardap shekken. Olar ártúrli jaraqatpen medıtsınalyq kómekke júgingen. Ólimge ákelgen jaǵdaı ázirge bir ret qana tirkeldi.
