Qostanaıda 80 myńnan astam medıtsınalyq qolǵapty elden shyǵarmaq bolǵandar ustaldy
QOSTANAI. QazAqparat – Qostanaı oblysynda medıtsınalyq qorǵanysh quraldary saýdasyn zańsyz iske asyrmaq bolǵandar ustaldy, dep habarlaıdy QazAqparat.
Elimizde koronavırýs ınfektsııasynyń taralýyna jol bermeý jónindegi QR Premer-Mınıstriniń ókimi bar. Soǵan sáıkes, medıtsınalyq jáne jeke qorǵanysh quraldaryn elden syrtqa shyǵarýǵa tyıym salynǵan.
«Qostanaı oblysy Ekonomıkalyq tergeý departamenti qyzmetkerleriniń jedel-izdestirý sharalary nátıjesinde shekara beketinde medıtsınalyq qolǵaptardy syrtqa tasymaldamaq bolǵan avtokólik ustaldy. Memlekettik kirister organdarynyń tekserisi barysynda kólik ıesinde tıisti qujaty bolmaǵan. 41 qorap m edıtsınalyq qolǵap tabyldy. Barlyǵy 80 400 dana tárkilendi.
Atalǵan is materıaldar memlekettik kirister organdaryna jiberildi. Jeke tulǵalardy ákimshilik jaýapkershilikke tartý úshin usynym hat joldandy», delingen Qostanaı oblysy Ekonomıkalyq tergeý departamentiniń baspasóz habarlamasynda.
Endi medıtsınalyq qolǵaptarǵa qatysty sheshimdi ókiletti organdar shyǵarady.
