Qostanaıda 8 jasar bala baspaldaqtan qulap ketti
QOSTANAI. QazAqparat - Qostanaıda 2011 jyly týǵan oqýshy baspaldaqtan qulap ketti, dep habarlaıdy QazAqparat oblystyq densaýlyq saqtaý baqarmasynyń baspasóz qyzmetine silteme jasap.
Oqıǵa Qostanaı qalasy mektepteriniń birinde bolǵan. 8 jasar oqýshy ashanaǵa bara jatyp, baspaldaqtyń arasyndaǵy tesikke qulap ketken.
«Oqýshy oblystyq balalar aýrýhanasynyń jaraqat bólimine jetkizildi. Aýrýhanaǵa bas aýrý dıagnozymen tústi. Jalpy mıdyń sımptomatıkasy anyqtalmady. Bas súıeginiń rentgenografııasy jasaldy, sol jaq súıeginiń synǵany belgili boldy», - dedi vedomstvonyń baspasóz qyzmetindegiler.
Bala birden aýrýhanaǵa jatqyzylyp, odan ári tekserý júrgizildi. Ony neırohırýrg qarady. Nátıjesinde jabyq bas súıek mı jaraqaty dıagnozy qoıyldy.
Oqýshyǵa konservatıvti terapııa kórsetiledi.
