Qostanaıda 7 jasar balany kólik qaǵyp óltirdi
QOSTANAI. QazAqparat - Qostanaıda 2011 jyly týǵan mektep oqýshysy kólik astyna túsip, mert boldy, dep habarlaıdy QazAqparat.
Aqparatty oblystyq ІІD baspasóz hatshysy Irına Bejenar rastady. Oqıǵa Qostanaı-2 shaǵyn aýdanyndaǵy Solnechnaıa kóshesiniń boıynda bolǵan. «VAZ-2107» markaly avtokóligin mingen 34 jastaǵy er adam jaıaý júrginshiler jolaǵynan ótip bara jatqan 7 jasar oqýshyny qaǵyp ketken. Ol oqıǵa ornynda kóz jumdy.
Atalǵan fakt boıynsha sotqa deıingi tergep-tekserý sharalary júrgizilýde.
