Qostanaıda 60 kólik urlaǵan qylmystyq top ustaldy
ASTANA. QazAqparat - Qostanaıda kólik urlaýmen aınalysatyn qylmystyq top ustaldy. Bul týraly búgin halyqpen eseptik kezdesý ótkizgen QR Іshki ister mınıstri Qalmuhanbet Qasymov aıtty, dep habarlaıdy QazAqparat tilshisi.
«Sońǵy 5 jyldyń ishinde avtomobıldi aıdap ketý - 40 paıyzǵa, urlaý 27 paıyzǵa azaıdy. Qylmystardy ashý kórsetkishi jaqsaryp keledi. Buryn kólik urlaý qylmystarynyń 31 paıyzy ǵana ashylatyn bolsa, qazir 55 paıyzǵa jetip otyr», - dedi ol.
Mınıstrdiń aıtýynsha, qymbat kólikterdi urlap, Qazaqstanda satý qıyn. Sondyqtan elimizde urlanǵan kólikter kórshi elderge shyǵarylady.
«Jaqynda Qostanaıda 12 adamnan turatyn topty ustadyq. Onyń ishinde bizdiń qyzmetkerler, Reseı azamattary bar. Olar 60 kólik urlaǵan. Mundaı qylmyspen kúresý úshin Reseı, Qyrǵyzstan, Ózbekstan jáne Túrikmenstanmen arnaıy kelisimge qoıyp, bar kúshimizdi salyp jatyrmyz», - dedi Qasymov.
