Qostanaıda 6 jasar balany qaqqan júrgizýshi jazasyn jeńildete almady

ASTANA. QazAqparat - Qostanaı oblystyq soty 29 jasar sottalǵan A.Kovalchýktiń appelıatsııalyq shaǵymy boıynsha qylmystyq isti qarady. Onda sottalǵan azamat úkimdi ózgertip, jazany jeńildetýdi suraǵan, dep habarlaıdy QazAqparat.

Aıta keteıik, bıylǵy jyldyń 8 tamyzynda Qostanaı qalasynyń № 2 soty sottalýshyny QR QK 345 baby, 3 bólimi boıynsha (avtomobıl basqarýda adam ólimine sebepker bolǵan jolda júzý erejesin buzý) kináli dep taýyp, tıisti úkim shyǵarǵan. 

4 naýryz kúni keshkisin saǵat 21-00-der shamasynda «Lada 219410» markili kóligimen kele jatqan júrgizýshi A. esimdi jaıaý júrginshi men onyń 6 jasar balasyna jaıaý júrginshiler ótetin jolda jol bermeı qoıǵan. Sonyń saldarynan bolǵan jol-kólik oqıǵasynda bala dene jaraqattaryn alyp, oblystyq aýrýhananyń jansaqtaý bólimine jetkizilgen jáne osy jerde kóz jumǵan.

Sot kináli A.Kovalchýkti 2 jyl 6 aıǵa bas bostandyǵynan aıyryp, jazasyn qonys kolonııasynda ótkizý jóninde sheshim qabyldady. Sonymen qatar oǵan 5 jyl boıyna kólik basqarýmen baılanysty jumystarmen aınalysýǵa tyıym saldy.

Sondaı-aq zardap shekken tarapqa moraldyq shyǵyn retinde sot 1,5 mln teńge óndirip berdi. Sotta appelıatsııalyq shaǵym ózgerissiz qaldy. Sot úkimi kúshine endi.