Qostanaıda 6 jasar bala sýǵa batyp ketti
QOSTANAI. QazAqparat - Qostanaı oblysynda 6 jasar bala sýǵa batyp ketti, dep habarlaıdy QazAqparat.
Aqparatty oblystyq TJD-nyń baspasóz qyzmetinde rastady. Oqıǵa 1 shilde kúni Qarasý aýdanynyń Lıýblınka aýylynda bolǵan.
«Jergilikti turǵyndar 2012 jyly týǵan balanyń denesin sýdan alyp shyqty. Ol belgisiz jaǵdaıda, shomylýǵa ruqsat etilmegen jerde sýǵa batyp ketken», - delingen TJD habarlamasynda.
Eske salaıyq, 27 maýsym kúni Qostanaı aýdanynda Tobyl ózeniniń jaǵasynan er adamnyń máıiti tabylǵan bolatyn. Al 25 maýsymda 10 jasar taǵy bir bala sýǵa batyp ketti. Onyń denesi kelesi kúni Taran aýdanynyń Apanov aýylyndaǵy qazanshuńqyrdan tabyldy.
