Qostanaıda 6 jasar bala qudyqqa qulap ketti
QOSTANAI. QazAqparat – Qostanaı qalasynda 2013 jyly týǵan bala beti ashyq qalǵan qudyqqa qulap ketti, dep habarlaıdy QazAqparat.
Osy fakt boıynsha agenttik tilshisiniń saýalyna oblystyq polıtsııa departamenti baspasóz hatshysy Irına Bejenar jaýap berdi. Onyń sózinshe, qazir qylmystyq is qozǵalǵan.
«26 jeltoqsan kúni Qostanaı qalasynyń polıtsııa basqarmasya 39 jastaǵy oblys turǵyny júgindi. Ol 2013 jyly týǵan balasynyń ashyq qudyqqa qulap ketkenin aıtyp, aryz jazǵan. Qazir osy derek boıynsha QR QK 279 baby, 1- tarmaǵymen (sáýlet, qala qurylysy jáne qurylys qyzmeti salasyndaǵy standarttardyń erejelerin nemese talaptaryn buzý) qylmystyq is tirkeldi», - dedi Irına Bejenar.
