Qostanaıda 6 aılyq sábı denesiniń 60 paıyzy kúıip qaldy
QOSTANAI. QazAqparat - Jitiqara aýdanynda 6 aılyq sábı ystyq sýǵa kúıip qaldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Oqıǵa Jitiqara aýdanynda bolǵan. 6 aılyq sábı ystyq sýǵa kúıip qalǵan.
«Qazir bul derek boıynsha sotqa deıingi tergep-tekserý sharalary júrgizilip jatyr», - dep habarlady polıtsııanyń baspasóz qyzmetindegiler.
Oblystyq densaýlyq saqtaý basqarmasynyń málimetinshe, sábıdiń denesi 60 paıyzǵa kúıip qalǵan. Qazirgi ýaqytta bala jasandy jeldetkishte demalyp jatyr. Keshendi emdeý júrgizilýde.
