Qostanaıda 506 aıaldamanyń tek 17-sinde jylynýǵa bolady
ASTANA. KAZINFORM — Qostanaıdaǵy 506 aıaldamanyń tek 17-si ǵana jyly pavılonmen jabdyqtalǵan. Qala ákimdigi aıaldama ınfraqurylymynyń qazirgi jaǵdaıy men ony damytý josparlary týraly málimet berdi.
Qala ákimdiginiń málimetinshe, qazir Qostanaıda 506 aıaldama bar. Onyń 17-sinde jyly pavılon ornatylǵan.
Buǵan deıin qalada shynydan jasalǵan 191 aıaldama pavılony ornatylǵan. Taǵy 34 aıaldamada kásipkerlik nysandary ornalasqan.
2025 jyly Qostanaıda 35 jańa aıaldama pavılony paıda boldy. Onyń úsheýi jyly, al 32-si ashyq úlgidegi pavılon.
2027 jyly qala bıligi taǵy 20 aıaldama pavılonyn ornatý múmkindigin qarastyryp jatyr. Ázirshe olardyń qanshasy jyly bolatyny jáne naqty qaı jerlerge qoıylatyny belgisiz.
Qazir Qostanaıdyń qalaishilik jáne qala mańyndaǵy marshrýt jelisine 40 baǵyt kiredi. Onyń 22-si qala ishinde, 18-i qala mańyna qatynaıdy. Kún saıyn jelige 190 avtobýs shyǵady.
Eske salaıyq, buǵan deıin Aqtóbede jyly aıaldamalar qurylysy uzaqqa sozylyp ketkenin jazǵan edik.