Qostanaıda 500 zańsyz qarý tárkilendi
ASTANA. QazAqparat - Qostanaıda jyl basynan beri polıtseıler zańsyz aınalymda júrgen 500 ártúrli qarý-jaraq tárkilegen, dep habarlaıdy QazAqparat oblystyq ІІD baspasóz qyzmetine silteme jasap.
Tártip saqshylary osy ýaqytqa deıin turǵyndar tutynǵan 20 myńǵa jýyq qarýdy teksergen. Sonyń nátıjesinde, zańbuzýshylyqqa barǵan 807 qarý ıesi ákimshilik jazaǵa tartylyp, 292 adam ony saqtaý jáne tutyný quqyǵynan aıyryldy. "Tárkilengen qarýlardyń jalpy sanynan: 27-si - ıir oıyqty myltyq, 435-i - tegis uńǵyly qarý, 46-sy - gazdy qarý, 1-i - travmatıkalyq, 31-i - elektrli", - delingen baspasóz qyzmetiniń habarlamasynda.
Jedel aldyn alý sharalary men aktsııalar barysynda oblys turǵyndary óz erikterimen 463 qarý tapsyrǵan. Onyń 143-i tirkeýde bolmaǵan. Qarýdyń eń kóp partııasy 76 jastaǵy Qostanaı qalasynyń turǵynynan tárkilendi. Onyń úıinen 7 pıstolet, 2 usaq kalıbrli vıntovka, 600-ge jýyq patron, Makarov pıstoletiniń oqshantaıy, dybys tunshyqtyrǵysh, avtomat shúıdesi, oqdárili bankiler, pyshaqtar men tapansha tabylǵan.
