Qostanaıda 50 jastaǵy áıelge pyshaq suǵyp alǵan kúdikti izdestirilip jatyr

QOSTANAI. QazAqparat – Búgin túski ýaqytta 50 jastaǵy áıelge pyshaq jaraqaty salyndy. Polıtsııa kúdiktini izdep jatyr, dep habarlaıdy QazAqparat tilshisi.

Oqıǵa búgin saǵat 13:00-de «Dostyq» qonaqúıiniń aýmaǵynda boldy. Jumystan úıine qaıtyp kele jatqan áıelge belgisiz adam pyshaqpen tap bergen.

«Moıyn jaǵyna enbeıtin jaraqat salynǵan áıel aýrýhanaǵa jetkizildi. Kýágerler oqıǵa ornynan jasyrynǵan kúdiktiniń belgilerin aıtyp berdi, - dedi polıtsııa. – Ol – shamamen 40 jastaǵy eýropoıdtyq belgileri basym er adam, qyzyl sport kıimin kıgen, basynda qara kepke bolǵan, kózildirik taqqan. Kúdiktiniń boıy – shamamen 180 sm. Polıtsııa onyń qaıda júrgeni týraly qandaı da bir aqparat belgili bolsa, 102 nómirine habarlaýdy ótinedi».

Atalmysh fakti boıynsha «Óltirýge oqtalý» baby qarastyratyn sotaldy óndiris bastaldy.

Kúdiktini izdeýge polıtsııanyń búkil jasaqtary jumyldyryldy.