Qostanaıda 50 jastaǵy áıeldi býyndyryp óltirgen kúdikti ustaldy

QOSTANAI. QazAqparat - KSK shaǵynaýdanynda, Qobylandy batyr kóshesindegi úılerdiń birinen tunshyqtyryp óltirgen áıeldiń denesi tabyldy, dep habarlaıdy QazAqparat tilshisi qalalyq prokýratýraǵa silteme jasap.

Óltirilgen áıel týraly tártip saqshylaryna dárigerler habar bergen. Oqıǵa ornyna jedel-iz kesý toby jiberildi.

«Páterden 50 jastaǵy áıeldiń múrdesi tabyldy. Sot-medıtsınalyq saraptama nátıjesi boıynsha, qala turǵynyn býyndyryp óltirgen. Tergeý isi Qostanaı prokýratýrasynyń baqylaýyna alyndy», - delingen vedomstvonyń baspasóz habarlamasynda.

Osy is boıynsha 45 jastaǵy kúdikti qamaldy. Soǵan baılanysty QR QK 99-baby, 1-bóligimen tergeý sharalary bastaldy.