Qostanaıda 5 jasar bala men anasyn avtobýs qaǵyp ketti
QOSTANAI. QazAqparat - Qostanaıda marshrýt avtobýsy 5 jasar balasy bar áıeldi qaǵyp ketti, dep habarlaıdy QazAqparat tilshisi. Bul faktini oblystyq ІІD men balalar aýrýhanasy rastady.
Anyqtalǵandaı, oqıǵa 10 qyrkúıek kúni Qobylandy batyr dańǵylynda bolǵan. Marshrýt avtobýstarynyń biri áıel men onyń balasyn qaǵyp ketti.
Oblystyq balalar aýrýhanasynyń bas dárigeri Igor Belobrjıtskııdiń aıtýynsha, búldirshin men áıel sol kúni medıtsınalyq mekemege kelip túsken.
«Balany birden jansaqtaý bólimine jatqyzdyq. Qazir ony travmatologııaǵa aýystyrdy. Balanyń basy soǵylyp, bas súıek mıy zaqymdalǵan. Qazir onyń jaǵdaıy turaqty. Ol aýrýhanada anasymen birge jatyr», - dep túsindirdi dárigerler.
Qostanaı oblystyq ІІD baspasóz qyzmeti habarlaǵandaı, qazir atalmysh fakti boıynsha QR QK 345-babyna sáıkes sotqa deıingi tergeý jumystary júrip jatyr.
