Qostanaıda 5 páter urlyǵyna qatysy bar azamat quryqtaldy
Kúdikti azamat qazirgi ýaqytta ýaqytsha ustaý ızolıatoryna qamaýǵa alyndy. 45 jastaǵy qylmysker bir aıdyń ishinde turǵyn úıden 5 urlyq jasady. Ol turǵyn úılerge esik pen terezelerdi buzyp kirgen. Kóbine altyn buıymdar men kompıýterlik tehnıkalardy alǵan.
Kúdikti oblys ortalyǵynda jáne Tobyl qalasynda óz pıǵylyn iske asyrǵan. Shyǵyn kólemi 1 mln teńgeden asady.
– Biz ony jedel-izdestirý is-sharalaryn ótkizý barysynda ustadyq. Ustaý barysynda onda urlanǵan noýtbýk bolǵan. Urlyq faktileri boıynsha sotqa deıingi tergep-tekserý bastaldy. Jalpy alǵanda, ol 7 jylǵa deıin bas bostandyǵynan aıyrylyp, múlki tárkilenýi múmkin, – dedi Qostanaı qalasy PB krımınaldyq polıtsııa bóliminiń aǵa jedel ýákili Askar Mýsın.
Polıtsııa azamattardan beınebaqylaý kameralaryn, sondaı-aq kúzet dabyl quraldaryn ornatý arqyly óz múlikterin saqtaý boıynsha sharalar qabyldaýdy suraıdy.
