Qostanaıda 5 kólik bir-birin soqty
QOSTANAI. QazAqparat - Qostanaı ortalyǵynda 5 kólik bir-birin soqty, dep habarlaıdy QazAqparat tilshisi oqıǵa ornynan.
Jol-kólik oqıǵasy Abaı-Táýelsizdik kósheleriniń qıylysynda bolǵan. Kýágerlerdiń aıtýynsha, Chevrolet júrgizýshisi kólik tizgine ıe bola almaı qalyp, BMW kóligimen soqtyǵysqan. Soqqy saldarynan qos kólik qarsy baǵytta kele jatqan kólikterge soǵylǵan. Barlyǵy 5 kólikke zaqym kelgen.
Qazirgi ýaqytta jol apaty bolǵan jerde polıtsııa qyzmetkerleri jumys istep jatyr.
Oqıǵadan zardap shekkender joq. 
