Qostanaıda 49 jastaǵy áıel polıtseıdi baltamen urdy
QOSTANAI. QazAqparat – Qostanaı qalasynda tártip saqshysyn baltamen urǵan áıel qamaýǵa alyndy, dep habarlaıdy QazAqparat oblystyq polıtsııa departamenti baspasóz qyzmetine silteme jasap.
Oqıǵa qaladaǵy Vodıanaıa kóshesindegi jeke turǵyn úıde bolǵan. «Ońtústik» polıtsııa bólimshesine úı ishindegi janjal týraly habarlama túsken. Oqıǵa ornyna ýchaskelik polıtseı Almat Ramazanov keldi.
«49 jastaǵy anasy men 27 jastaǵy uly janjaldasqan. Buǵan deıin anasy balasynyń is-áreketteri úshin birneshe ret tártip saqshylaryn shaqyrtqan. Bul joly oqıǵa basqasha órbidi. Aldymen, anasy ýchaskelik polıtseıge janjal shyǵarǵan ulyn alyp ketýin ótingen. Sálden soń áıel tártip saqshysyna balta laqtyrǵan. Inspektor dene jaraqatyn aldy», - delingen polıtsııanyń aqparatynda.
Qazir áıel qamaýǵa alyndy. Tergeý sharalary júrgizilýde. Jaraqat alǵan polıtseıge jedel járdem kómegi kórsetildi.
