Qostanaıda 484 mln teńge bıýdjet qarajatyn jymqyrǵandar sottaldy

QOSTANAI. QazAqparat – Qarjylyq monıtorıng agenttigi Qostanaıda memlekettik ınvestıtsııalyq baǵdarlama aıasynda 484 mln teńge bıýdjet qarajatyn jymqyrý faktisin anyqtady. Bul týraly QazAqparat Agenttikke silteme jasap habarlaıdy.

«Qarajat sharýa qojalyqtaryna sýbsıdııa retinde kún energııasyn paıdalanyp qudyqtardan sý kóteretin qural-jabdyqtar alýǵa bólindi. Sot úsh aıyptalýshyny quqyq buzýshylyq jasaǵany úshin kináli dep tapty. Úkim zańdy kúshine endi. Nátıjesinde iske qatysy bar bir adam 5 jylǵa, qalǵandary 6 jylǵa bas bostandyǵynan aıyryldy»,- delingen habarlamada.