Qostanaıda 453 sheteldik kóshi-qon zańyn buzǵan
QOSTANAI. QazAqparat - Qostanaı oblysynda «Nelegal» shuǵyl profılaktıkalyq sharasy barysynda kóshi-qon zańyn buzǵan 453 sheteldik azamat anyqtaldy, dep habarlaıdy QazAqparat oblystyq ІІD baspasóz qyzmetine silteme jasap.
«Nelegal» operatıvti-aldyn alý sharasy quqyqtyq tártipti qamtamasyz etý, Qazaqstan Respýblıkasyna zańsyz keletin adamdardy anyqtaý, zańsyz kóshi-qon arnalaryn joıý maqsatynda, sondaı-aq, sheteldikterdi jumysqa zańsyz tartý faktilerin anyqtaý maqsatynda júrgizilýde.
«Jedel-aldyn alý sharasy shetel azamattary kóp jaǵdaıda Qazaqstanǵa kelý-ketý tártibin buzatynyn kórsetti. Sot sheshimin qamtamasyz etý maqsatynda 29 shetel azamaty elimizdiń aýmaǵynan májbúrlep shyǵaryldy», - dedi oblystyq ІІD kóshi-qon qyzmeti basqarmasynyń bastyǵy Qaırat Dútpaev.
Shara barysynda 453 sheteldik kóshi-qon zańyn buzǵan. Nátıjesinde, QR aýmaǵyna kelý-ketý, júrip-turý tártibin saqtamaǵan 166 shetel azamaty ákimshilik jaýapqa tartyldy.
