Qostanaıda 42 kópqabatty úı, mektep pen áýejaı jylýdan ajyratyldy

Qostanaı oblysynda magıstraldy qubyrdaǵy apatqa baılanysty 42 kópqabatty úı, mektep pen áýejaı jylýdan ajyratyldy, dep habarlaıdy Kazinform «Qostanaı jylý energetıka kompanııasy» RMK-ǵa silteme jasap.

«Gerasımov kóshesi, 4 mekenjaıyndaǵy úıdiń janynda ornalasqan jerasty jylý qubyrynyń jarylý saldaryn joıý úshin 20 jeltoqsan, saǵat 12.00 - 20.00 aralyǵynda 42 kópqabatty úı, №29 orta mektep men Qostanaı Halyqaralyq áýejaıy jylýdan ajyratylady.

Keltirilgen qolaısyzdyqtar úshin keshirim suraımyz jáne jumystardy neǵurlym tezirek aıaqtaýǵa bar kúsh-jigerdi salatyn bolamyz», - delingen taratylǵan habarlamada.

Eske salaıyq, 11 jeltoqsan kúni de Qostanaı jylý jelisinde tótenshe jaǵdaı oryn alǵan edi.