Qostanaıda 41 kóppáterli turǵyn úı salynady
QOSTANAI. QazAqparat - Osy jyly Qostanaıda 41 turǵyn úı paıdalanýǵa beriledi. Bul týraly oblys ákimi Arhımed Muhambetov turǵyndarǵa esep berý jıynynda málim etti, dep habarlaıdy QazAqparat.
Oblys ákimi halyq aldyndaǵy eseptik kezdesýi barysynda óńir bıýdjetiniń kóbi turǵyn úı salasyna baǵyttalatynyn aıtty.
«Osy jyly bıýdjettik qarjynyń 57 paıyzdan astamy turǵyn úı qoryn ulǵaıtýǵa bólinedi. Biz bul salaǵa byltyr da basa nazar aýdarǵan bolatynbyz. 2018 jyly oblys turǵyndary úshin 39 kóp qabatty úı salyndy, 60 myń adam turatyn 12 aýylda sýmen jabdyqtaý jaqsartyldy, 137 bilim berý uıymy jóndeldi, aýrýhanalar men emhanalar úshin eń zamanaýı medıtsınalyq jabdyqtar satyp alyndy»,- dedi óńir basshysy kezdesý barysynda.
2019 jyly 41 kóppáterli turǵyn úı salynady, halyqtyń ortalyq sýmen qamtylýy 61,3 paıyzǵa deıin ulǵaıtylady. Buǵan qosa 3 jańa mektep qoldanysqa berilmek.
Arhımed Muhambetov aıtqandaı, «Nurly jer» baǵdarlamasy arqyly turǵyn úı salýǵa 24,7 mlrd teńge qarastyrylady. Onyń ishinde oblıgatsııalar shyǵarý arqyly 12,1 mlrd teńge ıgerý josparlanýda. Al ınjenerlik-kommýnıkatsııalyq ınfraqurylymdy ótkizýge 7,8 mlrd teńge bólindi.
