Qostanaıda 40 myń teńge para alǵan polıtseıler ustaldy

QOSTANAI. QazAqparat – Qostanaı oblysynyń sybaılas jemqorlyqqa qarsy qyzmeti para alǵan tártip saqshylaryn tergeýge aldy, dep habarlaıdy QazAqparat.

«Qostanaı oblysy jol-patrýldik polıtsııa qyzmetkeri men Qostanaı qalasy polıtsııa basqarmasynyń «Ońtústik» bóliminiń jedel kezekshisine qatysty sotqa deıingi tergeý bastaldy. Olar jol-kólik oqıǵasy qatysýshysynan 40 myń teńge alyp, jazaǵa tartpaýǵa ýáde etken», - dedi vedomstvodaǵylar.

Qazir tergep-tekserý amaldary jalǵasyp jatyr. Kúdiktilerge qatysty sońǵy sheshimdi sot shyǵarady.