Qostanaıda 4,4 mln tonna astyq jınaldy
QOSTANAI. QazAqparat - Qostanaı oblysynda 4 mln 400 myń tonna astyq daqyldary qambaǵa quıyldy, dep habarlaıdy QazAqparat.
Búginde Qostanaı oblysynda egis naýqany aıaqtalýǵa jaqyn. Tek soltústik aýdandar oraqqa kesh kiristi. Sebebi, kún raıynyń qolaısyzdyǵy sharýalardy tyǵyryqqa tiredi. Oblystyq aýyl sharýashylyǵy basqarmasynyń bólim basshysy Sálimjan Esenamanovtyń sózinshe, qazirdiń ózinde 4 mln 400 myń tonna astyq qambaǵa quıyldy. Onyń 3,8 mln tonnasy bastyryldy. Astyqtyń ortasha shyǵymy gektaryna 11,3 tsentnerden aınaldy. Egis alqabynyń 89 paıyzyna joǵary surypty tuqymdar sebilgen.
Aıta keteıik, dıqandar aldyn-ala belgilengen jospardan sál kesheýildep keledi. Byltyr osy kezeńde 5 mln gektardyń egini orylyp, bastyrylǵan bolatyn.
Mamandardyń aıtýynsha, ótken aptalardaǵy synap baǵanasynyń tómendigi astyq sapasyna edáýir áser etti. Eger tabıǵat tosyn minez tanytpasa, kúzgi dala jumystary kelesi aptaǵa deıin aıaqtalýy múmkin.
Egis naýqanyna baılanysty óńirge 71 myń tonna dızeldik otyn bólindi. Dala jumystaryna barlyǵy 23 myńǵa tarta traktor, 9,6 myń kombaın, 840 egin sebetin keshendi tehnıka, 1 myń búrikkish, 22 myń tuqym sepkish qatystyryldy.
