Qostanaıda 35 jastaǵy áıel habar-osharsyz ketti
QOSTANAI. QazAqparat - Qostanaılyq polıtseıler 35 jastaǵy Elena Voıtenkoǵa izdeý saldy, dep habarlaıdy QazAqparat.
«Qostanaı qalasy ІІB «Ońtústik» bólimi 1983 jyly týǵan Voıtenko Elena Vasılevnaǵa izdeý salady. Ol 2018 jyldyń 30 qazan kúni Qostanaıdaǵy úıinen shyǵyp ketip, oralmaǵan» delingen departamenttiń baspasóz habarlamasynda.
Polıtsııa departamenti Elena Voıtenko týraly málimetterdi jarııalady. Onyń boıy - 170-172 sm, aryq deneli, sary shashty. Úıinen shyqqanda ústinde aqshyl sary palto, sharf, qara tústi legınsy bolǵan.
Elena Voıtenko týraly qandaı da bir aqparat bilseńiz, «102» nómirine qońyraý shalýǵa bolady.
