Qostanaıda 32 jastaǵy er adamdy pyshaqtap tastaǵan áıel ustaldy
QOSTANAI. QazAqparat – Qostanaı qalasynda 32 jastaǵy er adamdy pyshaqtap tastaǵan áıel qamaýǵa alyndy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, oqıǵa qaladaǵy Hákimjanov kóshesinde bolǵan.
«23 jastaǵy áıel 32 jastaǵy er adamdy pyshaqtap tastaǵan. Kúdiktiniń mas kúıde bolǵany anyqtaldy. Jábirlenýshi aýrýhananyń jansaqtaý bólimine jetkizildi», - delingen polıtsııanyń aqparatynda.
Osy derek boıynsha sotqa deıingi tergep-tekserý amaldary bastaldy.
