Qostanaıda 30 myńnan astam medıtsınalyq qolǵapty zańsyz tasyǵandar ustaldy

QOSTANAI. QazAqparat – Qostanaı oblysynda medıtsınalyq buıymdardy satpaq bolǵandar qolǵa tústi, dep habarlaıdy QazAqparat Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

Respýblıkalyq 1424 koll-ortalyǵyna kýágerlerden «Gazel» avtokóligimen medıtsınalyq buıymdardy tasymaldaǵandar boıynsha anonımdi qońyraý kelip túsken.

«Sol kúni medıtsınalyq zattardy áketip bara jatqan kólikti Sybaılas jemqorlyqqa qarsy qyzmet qyzmetkerleri oblys ortalyǵynan shyǵar jolda ustady.

16 qorapqa bir ret qoldanylatyn qolǵap tıegen avtokólik el astanasyna qaraı baǵyt alǵan, odan ári tasymaldaýshylar taýardy basqa tulǵaǵa berý kerek bolǵan.

Qoraptarǵa barlyǵy 30 myńnan astam medıtsınalyq qolǵap salynǵan, olardyń ortasha quny aldyn-ala esepteýler boıynsha jarty mıllıon teńgeden asady»,- delingen agenttik habarlamasynda.

«Gazel» júrgizýshisinde júk tasymalynyń zańdylyǵyn rastaıtyn qandaı da bir qujat bolmaǵan.

Qazir atalǵan fakti boıynsha QR QK-niń 214-babymen (Zańsyz kásipkerlik qyzmet) is qozǵaldy. Bul isti oblystyń ekonomıkalyq tergeý qyzmeti baqylaýyna aldy.