Qostanaıda 3 jigit kólik urlap, ustalyp qaldy
QOSTANAI. QazAqparat - Qostanaıda avtokólik urlaǵan úsh júgit jazaǵa tartylýy múmkin, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Oqıǵa 20 qazan kúni tańǵy 6:00 shamasynda bolǵan. Maılın jáne Doşanov kósheleriniń qıylysynda 19 jastaǵy júrgizýshi kólikke ıe bola almaı, aǵashqa soǵylǵan. Kólikte úsh adamnyń bolǵany anyqtaldy.
«Jol-kólik oqıǵasynan soń jaraqattanǵandar joq. 18-19 jastaǵy úsh jigit «BMW» kóligin urlap ketpek bolǵan. Avtokólik ıesi ony jýý úshin qaldyryp ketken. Kólik jýý beketinde jumys isteıtin úsheýi aram pıǵyldaryn júzege asyrǵysy keldi», - dedi ІІD baspasóz qyzmetindegiler.
Buzaqylar jábirlenýshige materıaldyq zalal keltirgen úshin aıyptalýda. QR ákimshilik quqyq buzýshylyq týraly kodeksiniń 610 -baby boıynsha saraptama jasalyp, sotqa deıingi tergeý bastaldy.
