Qostanaıda 3 jasar bala anasyn balkonǵa qamap qoıdy

ASTANA. KAZINFORM — Qostanaı qalasynda Bereke shaǵyn aýdanynda anasy balkonǵa shyqqan kezde onyń 3 jasar balasy oınap júrip, esikti ishten jaýyp tastaǵan.

Bala páterde eresektersiz jalǵyz qalyp qoıǵan, al dál osy ýaqytta peshte tamaq daıyndalyp jatqan edi. Eger anasy der kezinde qutqarylmasa ol órt týdyrýy múmkin bolatyn.

Abyroı bolǵanda áıeldiń ózimen birge telefony bolyp, ol 112 jelisine qońyraý shaldy. Kelgen qutqarýshylar joǵarydaǵy páterden balkonǵa túsip, esikti ashty. 

— Oqıǵa saldarynan eshkim zardap shekken joq. TJM qyzmetkerleri úsh jasar balany qutqaryp, órttiń aldyn aldy, — delingen habarlamada.

Osyǵan deıin Qostanaı oblysy Rýdnyı qalasynda Lenın kóshesinde ornalasqan dámhananyń shatyry órtengenin jazdyq.