Qostanaıda 3 tildi túsinetin qyzmettik ıt bar
QOSTANAI. QazAqparat - Qostanaı oblysy ІІD kınologtary qyzmettik ıtterdi daıyndaý jumystaryna jańa ádis engizdi, dep habarlaıdy «QazAqparat» HAA tilshisi.
Oblystyq ІІD-ge qarasty kınologııalyq qyzmet ortalyǵynyń mindeti - qylmystyń aldyn alý, ashý. Qazir ortalyqtaǵy 26 ıt iz kesý, esirtki, jarylǵysh zattardy izdeý, qoǵamdyq qaýipsizdikti saqtaý boıynsha tártip saqshylaryna kómek kórsetip júr. Kınologtardyń aıtýynsha, endi qyzmettik ıtter basqasha ádiske úıretiletin bolady. Búginde arnaıy oqý kýrsy ashylǵan.
«Keıbir ıtterge jeıde kıgizilip, veb-kamera túıreledi. Olardy qoǵamdyq oryndarǵa alyp shyǵyp, kúdiktiniń izin kesýge baýlımyz. Sodan soń olar óz betinshe ańdýǵa kirisedi. Ittiń baǵyty beınekamera arqyly qadaǵalanady. Osylaısha, kúdikti týraly kez kelgen málimet tehnıkterdiń kompıýterinen kórinip turady», - deıdi kınolog Jasulan Beısembaev.
Jasulan Beısembaev kınologııalyq ortalyqta 11 jyldan astam ýaqyt jumys isteıdi. Onyń iz kesýshi úsh ıti bar.
«Bulardyń árqaısysyna jekeleı mindet júktelgen. Máselen, nemis ıti Kıkı jarylǵysh zattardy anyqtasa, shyǵys-eýropalyq ovcharka Aldo kúdiktilerdi izdep, qylmystyń aldyn alýǵa septigin tıgizedi. Qyzmettik ıtterdiń eń erekshesi - belgııalyq ovcharka Graf. Ol úsh tilde: qazaq, orys, nemisshe túsinedi. Kez kelgen pármendi buljytpaı oryndaıdy», - deıdi kınolog.
Aıta keteıik, kınologtar 2018 jyldyń sońynda qyzmettik ıtter úshin jańa oqý kýrsyn qorytyndylaıdy.
