Qostanaıda 29 kópqabatty úı tolyq jóndeýden ótedi
QOSTANAI. QazAqparat – Qostanaı qalasynda birneshe kópqabatty úı jańǵyrtýdan ótedi. Bul týraly Arhımed Muhambetov Instagram paraqshasynda jazdy, dep habarlaıdy QazAqparat.
Búgin oblys ákimi Qostanaı qalasynyń birqatar nysanyn aralady. Aldymen, Qobylandy batyr dańǵylynda boldy. Osy jyly munda ınjenerlik jáne elektr jelilerin kúrdeli jóndeý, úı aýmaqtaryn abattandyrý josparlanýda.
«Altynsarın kóshesi men Abaı dańǵylyndaǵy turǵyn úılerdiń qasbetteri men jumsaq shatyrlaryn jóndeý jumystarymen tanystym. 2020 jyly 29 kópqabatty turǵyn úıdi jańǵyrtýdy josparlap otyrmyz. №4, 6, 19 orta mektepteri men №27 sábıler baqshasynda boldym. Osy bilim berý uıymdarynda 2020 jyly kúrdeli jóndeý jumystary júrgiziledi. Kommýnıkatsııa jelilerin, qasbetti, shatyrdy aýystyryp, mekemelerdi abattandyrý jáne materıaldyq-tehnıkalyq qamtamasyz etý jumystaryn júrgizý josparda bar», - dep jazdy aımaq ákimi.
Arhımed Muhambetov qala basshylyǵyna barlyq jumystardy belgilengen merzimde atqaryp, joba qunynyń negizsiz qymbattaýyna jol bermeýdi tapsyrdy.
