Qostanaıda 28 jastaǵy er adam sýǵa batyp ketti
QOSTANAI. QazAqparat - Qostanaıda «Mahıto» demalys bazasynda 28 jastaǵy er adam sýǵa batyp ketti, dep habarlaıdy QazAqparat.
Aqparatty oblystyq TJD baspasóz qyzmeti rastady. Oqıǵa keshe keshke KJBI shaǵyn aýdanyndaǵy demalys bazasynda bolǵan. Er adam sýǵa shomylý kezinde qaıǵyly jaǵdaıǵa ushyraǵan.
«Soltústik óńirlik aeroutqyr jedel qutqarý jasaǵy «Mahıto» demalys bazasynda ózenge batyp ketken 1981 jyly týǵan er adamnyń denesin alyp shyqty», - delingen TJD habarlamasynda.
Qutqarýshylar qostanaılyqtardan shomylý kezinde barynsha saq bolýdy, qaýipsizdik erejelerin saqtaýdy suraıdy.
