Qostanaıda 26 myń ólketaný qujaty tsıfrlyq formatqa kóshirildi

QOSTANAI. QazAqparat – Qostanaı oblysynda kitaphana qorynyń 26 myńǵa jýyq ólketaný qujatty elektrondyq-tsıfrlyq formatqa aýystyryldy, dep habarlaıdy QazAqparat tilshisi.

Oblystyq mádenıet basqarmasy byltyr «Tsıfrlyq Qazaqstan» memlekettik baǵdarlamasy sheńberinde birqatar jobalardy qolǵa aldy.

Nátıjesinde mýzeı qorynyń 30,5% tsıfrlandyrylyp, mýzeı ekspozıtsııalary boıynsha vırtýaldy týr ázirlendi.

Sonymen qatar Qostanaı oblysynyń kıeli obektileriniń 3D týry tanystyryldy.

Oblystyq kitaphana qorynyń 26 myńǵa jýyq ólketaný qujaty elektrondyq-tsıfrlyq formatqa aýystyryldy.

«Koronavırýs pandemııasy mádenı nysandardyń jumysyna aıtarlyqtaı kedergi boldy. Soǵan qaramastan 2020 jyly mádenıet uıymdary onlaın formatta fılarmonııanyń kontsertterin uıymdastyrdy. 413 spektakl kórsetip, memlekettik kitaphanalardyń qyzmetin 253,8 myń oqyrman paıdalandy. «Aýyl - el besigi» arnaıy jobasy aıasynda Denısov aýdanynyń mádenıet úıiniń ǵımaratyna kúrdeli jóndeý júrgizildi. Jumyspen qamtý jol kartasy boıynsha Qostanaı aýdanynyń Zarechnyı aýylyndaǵy «Sovremennık» jáne Oktıabr aýylyndaǵy «Mereı» mádenıet úıiniń 2 ǵımaratynyń aǵymdaǵy, Arqalyq qalasyndaǵy «Dala ólkesiniń tarıhy» oblystyq murajaıy ǵımaratynyń kúrdeli jóndeýi aıaqtaldy», - deıdi basqarma basshysy Erlan Qalmaqov.

Jyl basynan beri mádenıet qyzmetkerlerine 35% mólsherinde qosymsha aqy belgilengen.

Atalǵan maqsatqa 680,9 mln teńge bólinip, 1900 qyzmetker qosymsha aqy aldy.

2020 jyly oblysqa «Dıplommen aýylǵa» baǵdarlamasy boıynsha 23 jas maman keldi.

Olarǵa úı satyp alý úshin 190,5 mln teńge somasyna 23 kredıt berildi, 6,6 mln teńge somasyna 24 adam kóterme járdemaqy aldy.