Qostanaıda 250 lıtr antıseptıkti zańsyz satqandar ustaldy
QOSTANAI.QazAqparat – Qostanaıda zańsyz satylǵan 250 lıtr antıseptıkalyq suıyqtyq tárkilendi, dep habarlaıdy QazAqparat.
Oblystyq ekonomıkalyq tergeý departamentiniń basqarma basshysy Armat Qydyrnııazovtyń aıtýynsha, antıseptıkti zańsyz satý boıynsha eki fakti áshkerelendi. Oblys ortalyǵynyń turǵyndary zalalsyzdandyrý ónimderin ınternet arqyly ótkizgen.
«Zańsyz satýshylar aqparatty jarnama saıttarynda jarııalaǵan. Olar antıseptık zatyn kelisilgen orynǵa ákeldi. Satýshylardan quny 195 myń teńge bolatyn jalpy kólemi 250 lıtr antıseptık tárkilendi. Zań buzǵandar endi ákimshilik jazaǵa tartylady», - dedi Armat Qydyrnııazov.
Zańsyz satýshylardyń kásipker retinde tirkeýde turmaǵany anyqtaldy.
Qazir atalǵan derek boıynsha tergeý amaldary júrgizilýde. Tirkelgen antıseptıkalyq ónim Qostanaı oblysynyń densaýlyq saqtaý basqarmasyna berildi.
