Qostanaıda 250 adam tótenshe jaǵdaı rejımin buzǵan
QOSTANAI. QazAqparat – Oblysta TJ baılanysty 250 ákimshilik quqyq buzý faktisi tirkelgen. Bul týraly oblys ákimdiginde ótken jıynda Arhımed Muhambetov aıtty, dep habarlaıdy QazAqparat.
«Polıtsııa qyzmetkerleri tótenshe jaǵdaı rejımin buzǵany úshin 250 adamdy jaýapqa tartty. Ákimshilik quqyq buzýshylyq jasaǵan 91 adamǵa sot sheshimi shyǵaryldy jáne 159 qujat sotta qaralýda. Osy rette kásipkerlerdi, ásirese adamdar kóp jınalatyn dámhana, meıramhana men mekeme ıelerin barynsha saq bolýǵa shaqyramyn. Tótenshe jaǵdaı rejımin buzǵandarǵa qatań sharalar qoldanylatynyn eskertemin», – dep atap ótti Arhımed Muhambetov.
Oblysta mindetti sanıtarlyq-epıdemııaǵa qarsy sharalardy buzǵany úshin 18 adamǵa eskertý jarııalansa, 63 adamǵa ákimshilik aıyppul salynǵan. Al 7 adam qamaýǵa alynyp, isi sotqa jetken.
Tártip saqshylary ótken aptada betperde rejımin buzǵany jáne dúkende qolǵap kımegeni úshin 125 adamnyń quqyq buzýshylyq isin tirkedi.Sondaı-aq, úı karantıni rejımine ústirt qaraǵan 8 adamǵa aıyppul salyndy.
Óńir basshysy aımaq turǵyndaryn tótenshe jaǵdaılarǵa baılanysty qabyldanǵan shekteýlerge túsinistikpen qarap, barynsha saqtaýǵa shaqyrdy.
