Qostanaıda 25 tonna shóp tıelgen eki júk kóligi janyp ketti

QOSTANAI. KAZINFORM — Qutqarýshylar osy túni fýralardy sharpyǵan tilsiz jaýmen arpalysty. 

Búgin túnde Qostanaı oblysy Áýlıekól aýdanynyń tasjolynda 25 tonna shóp tıelgen tirkemeleri bar eki júk kóligin ot shaldy. 

TJM kúsh-quraldary órtti tolyqtaı sóndirdi. Jalyn sharpyǵan aýmaq — 60 sharshy metr.

Zardap shekkender joq.

Órttiń sebebi anyqtalyp jatyr.

«Jol kóliginde tótenshe jaǵdaı týyndaǵan jaǵdaıda 112 nómirine qońyraý shalyńyz» dep eskertedi vedomstvodan.