Qostanaıda 21 jastaǵy jigittiń ólimine alyp kelgen oqıǵa tekseriledi
QOSTANAI. QazAqparat - Qarabalyq aýdanynda 21 jastaǵy jigittiń ólimine qatysty sotqa deıingi tergeý sharalary bastaldy, dep habarlaıdy QazAqparat tilshisi aýdandyq «Aına» gazetine silteme jasap.
Belgili bolǵandaı, 21 jastaǵy Taras Serdalov 22 qarasha kúni sýıtsıdke barǵan. Oqıǵa Qarabalyq aýdanynyń Gýrıanov aýylynda boldy.
«Taras Serdalov osy jyldyń naýryz aıynda urlyq isi boıynsha sottaldy. Degenmen, raqymshylyq týraly zańǵa baılanysty qylmystyq jazadan bosatyldy. Ol tamyz aıynda taǵy da tártip saqshylarynyń nazaryna ilikti», - dedi ІІD baspasóz qyzmeti.
Bul joly Taras Serdalov óz aýylynyń turǵynymen kelispeýshilik saldarynan tóbeles shyǵarady. Serdalov soqqy jasaǵan soń, er adam tósemtasqa (brýschatka) baspen qulaǵan. Sot-medıtsınalyq saraptamasyna sáıkes, ol jábirlenýshige aýyr dene jaraqattaryn salǵan. Aýyl turǵynynyń áli kúnge deıin tili ıkemge kelmeıdi, esinen aıyryla beredi.
Sot otyrysynda aıyptalýshy óz kinásin tolyqtaı moıyndady. Biraq, tóbelesti jábirlenýshiniń birinshi bastaǵanyn alǵa tartty. Sot eki taraptyń pikirin qarady. Serdalov japa shekken otbasyǵa sot úkimi shyqpaı turyp-aq materıaldyq shyǵyn tóledi. Jas jigitke probatsııalyq baqylaý ornatylyp, tórt jylǵa bas bostandyǵyn shekteý týraly jaza taǵaıyndaldy.
Osyndaı tizbekti tártipsizdikterden soń Taras tragedııalyq sheshim jasaǵanǵa uqsaıdy. 22 qarasha kúni 21 jastaǵy jigit óziniń garajynda asylyp, jantásilim etti.
Qazirgi kezde «Ózine qol salýǵa ıtermeleý» baby boıynsha qylmystyq is qozǵaldy.
