Qostanaıda 21 jastaǵy jigittiń máıiti tabyldy
QOSTANAI. QazAqparat - Qostanaıdaǵy shaǵyn aýdandardyń birinen 21 jastaǵy jigittiń denesi tabyldy, dep habarlaıdy QazAqparat oblystyq Tótenshe jaǵdaılar departamentiniń baspasóz qyzmetine silteme jasap.
Adam múrdesiniń tabylǵany týraly aqparat TJD-nyń kezekshi-dıspetcherlik bólimine túsken.
«Qostanaıdaǵy Soltústik-batys aýdanynda, «ıÝbıleınyı» turǵyn úı kesheniniń mańyndaǵy transheıadan (gaz qubyryn tartýǵa arnalǵan) 1997 jyly týǵan er adamnyń denesi tabyldy. Odan zorlyq-zombylyqpen óltirý belgileri tabylǵan joq», - delingen TJD baspasóz qyzmeti taratqan habarlamada.
Kóz jumǵan jigit gaz qubyryn tartý boıynsha JShS-lardyń birinde jaldamaly jumysshy bolyp istegendigi anyqtaldy. Ol Zatobol aýylynda turǵan. Tergeý sharalary júrgizilýde.
